موضوع مفيد جدا جدا للناس لي تعاني من نقص في مساحة التخزين فالهاتف و الحاسوب :
#التخزين_السحابي (Cloud storage)
هو عملية تخزين ملفاتك(data) الموجودة في حاسوبك (صور، فيديوهات، كتب رقمية و غيرها) في بنك محمي على مستوى الأنترنت يسمى سحابة (Cloud) وهذا مجانا من أجل ربح مساحة إضافية على حاسوبك.
#طريقة_التخزين_و_مبدأ_العمل:
لازم يكون عندك إمايل بطبيعة الحال للتسجيل في الموقع لي يعطيك مساحة مجانية تتراوح غالبا من 2 حتى 50 جيغا.
كي مجانا مالا هذو المؤسسات خاسرين معاك لأنهم هوما شراو المساحة كذلك؟
لالا يا صديقي، هي مؤسسات ربحية 100%، يعني تمدلك مساحة قليلة مجانية باه تغويك و إذا بغيت أنت تزيد مساحة تخزين لازم هنا تخلص و هوما أصلا يخدمو مع الشركات و المؤسسات لي عندها كمية معلومات ضخمة(Big data) و تبغي تخزنها (هنا ننساو وحدة جيغا و نتحدثو بالتيرا بايت).
يعني العملية تشبه تقريبا لذاك الشخص لي يكري موقف سيارات على البلدية و يبدا يكري فيه للشعب باه يڨاري.
#هل_التخزين_السحابي_آمن؟
نعم نوعا ما لأنو يتبع عملية تشفير معقدة ، لكن من ناحية أنك تخاف على ملفاتك من الجوسسة فهذا أمر وارد جدا لأنك أنت رحت ليهم برجليك و مديتلهم ملفاتك(ننصحكم ما تخزنوش ملفات حساسة)، و بغض النظر عن هذا فكل أسرارنا يعرفها قوقل و فايسبوك 
#الفايدة_من_التخزين_السحابي:
كيما قلنا أولا تربح مساحة في حاسوبك و الأمر الثاني المهم أنو مثلا عندك ملف فيه 5 جيغا و بغيت تبعثو لصديقك، مستحيل يفوت فالإمايل (25 ميغا أقصى حد) ، الحل أنك تخزنو فالسحابة و تبعث لصديقك الرابط تاعو فقط و هو يهبطو من الحاسوب تاعو مباشرة.
كاين عشرات المواقع لكن هذي قائمة جمعتها لأشهر 17 موقع و لي رايحين يعطوك مساحة تخزين كلية تقدر ب 219 جيغا مجاااانا 
(كل موقع سجل فيه بنفس الإمايل و خزن على حساب المساحة free لي مدهالك):
(كل موقع سجل فيه بنفس الإمايل و خزن على حساب المساحة free لي مدهالك):(أحسن موقع هو MEGA لي يمدلك 50 جيغا )